Letscht Wuche han ig dank dr Annika wo dr Bsitzer guet kennt, no Glägeheit übercho s`Saluki Center z`besichtige. Das lieht diräkt bi dr Falke Klinik. Dette wärde Hünd züchtet wo i di ganz Wält verchouft wärde.
Dr Saluki, wird übrigens ou persische Windhund gnennt u ghört wahrschienlich zu eine vo de ältischte Windhundrasse u het dr Ursprung im Nahe Oschte. Mi vermuetet das dr Name vo dr verschwundene Stadt Saluq chunt .
Züchtet het me die Rasse vor allem früecher für d`Hase- u Gazällejagd. Hüt isch e guete Jagd-Saluki immer no sehr guet agseh bi de Moslems, im Gägesatz zu andere Hunderasse. Mi seit sogar, dass Zucht vo de Salukis sogar vor de Zucht vo araber Ross agfange heigi.
Sie gälte ou als Familiemitglied u dörfe sich sogar i de Zält oder Hüser ufhalte. Das heisst de öppis! Sie wärde gehegt und gepflegt wie d`araber Ross u d`Falke! Nume s`beschte isch guet gnue!
Mir persönlich gfallt dr Saluki überhoupt nid. Er isch e soooo mager u mi het z`Gfüehl die sige völlig unterernährt! Er isch derfür sehr mönschefründlich u dür das hei mir ohni Bedänke i jedi Box chönne ohni irgend einisch es Chnurre z`ghöre. Einisch meh han ig a däm Tag müesse feststelle, dass mis Härz für Tier schlaht.
Schlürf, schlürf!
Pfote chüele i dere Hitz tuet guet
Klienisch suber
Klimaalag darf ou da nid fähle
Sie isch bereits en Champion u treit dür das es goldigs Halsband
