Zügle oder Umbou?

 Es herrscht Chaos bi üs. Luegt me i die lähre Zimmer chönt me meine mir sige am zügle. Aber das isch total falsch. Alli Zimmer si bereit für e Holzbode, nume hei mir no kei Holz. Das sötti die nächscht Wuche glieferet wärde. Mal luege!

Üsi pseudo Achleidi. E Teil vo de Chleider hei mir i däm Zimmer dr Räschte i de beide Chäller verteilt. Drum tönts die ganzi Zyt vo Tönel:

"Hey Andrea wo hesch Dies und Das?"

Üses momentane Schlafzimmer!

Gmüetlich isch anders! Aber es het ou Vorteil. Fernsehluege vom Bett us.

So cool!

Umbauphase!

Teppich use u Holzbode ine u das im ganz obere Stock inklusiv s`Gäschtezimmer überunde!

Bis das aber sowiet isch, isch no Chnochearbeit gfragt. Mir schränze dr Teppich sälber use u Tönel schlieft dr ganz Bode suber ab bis dr blutti Beton wieder zum vorschie chunt. Das isch e stoubegi Sach! Nur so cha de dr Holzbode suber verliemet u verleit wärde. Das macht de Tönel mit üsem Nachber wo Schriener isch!



Tönel in Aktion

Zugliech wird dr ganzi Iigansbereich vergrösseret u mit neue Platte usgleit



Üsi Chatz Sheika laht sich nid la us dr Rueh bringe. Trotz Lärm u Stoub gniesst sie dr Mittagsschlaf!



Dr Gärtner i dr Ändphase vom Verlege.

Freue üs uf dä neui grosszügegi Eigangsbereich.



365 Täg!

So lang het s`Neerigflüschter e Blogger Uszyt gno! Now, I am back!

Dr Afang mache ig mit mim Arbeitsisatz a de legendäre Louberhorn-Abfahrt.

Wie bin ig derzue cho zu däm Job?! Als Volounteer vo dr Swiss-olympic, ha ig letschte Herbscht es e-Mail übercho, dass no Hälfer gsuecht wärde für d`Louberhorn-Renne vom 11.01.12 - 15.01.12. Ig ha nid lang müesse überleg u ha sofort druf g`antwortet. Ha mi grad für die ganzi Zyt gmäldet.

Mini Hoffnige uf e Isatz si aber eher sehr chli gsi, da die Jöbli sehr begehrt si, u sehr viel scho mängs, mängs Jahr dette derbie si.

Aber, ig ha mi bös tosche. Im Dezämber flatteret mir es Mail ine vo dr Swiss-Olympic über min Isatz am Louberhorn. Ig ha churz um e paar Luftsprüng gmacht.

U de no was für e Isatz! Nid öppe im Ordnigsdienst oder öppe a dr Kasse. Nei i bi diräkt bi der LONGINES bi dr Zytmässig iteilt. Das heisst, Isatz uf dr Strecki, also mit Ski! Es isch sogar bedingig gsi, dass Kante vo de Ski hei müesse früsch gschliffe wärde. Das han ig sehr gärn uf mi gno u miner Ski e Tag vor mim erschte Isatz in Service gä.

Min erschti Tag 11.01.2012

Besammlig um 08.15h Bahnhof Wänge

Ig bi scho chli närvös gsi. Aber das het sich gli gleit gha, nachdäm mir die erschti Instruktion übercho gha hei. Ig bi für Gschwindigkeitsmässig u Zwüschezyt im Hanneggschuss zueständig. Ui ui ui, das wird aber en herte Isatz! Nid wäge dr Zytmässig, nei will dette schynt d`Sunne grad gar nie drahi. Brrrr warm alegge isch agseit.

A däm erschte Tag han ig würklich gfrore. Da het ou alles konzentriert luege u Zyt drücke nid warm gä. Min Radius wo ig mi ha chönne bewege, isch öppe grad en Meter gsi! S`Kabel vom Chopfhörer isch nid länger gsi.

Doch für die folgende drü Täg han ig mi agleit wie en Eskimo und so han ig das ganzi ohni gross müesse früre überstande.

Es isch es super Erläbnis gsi u d`Stimmig isch einmalig. Mir hets unheimlich guet gfalle u ha mi grad wieder für e gliech Isatz gmäldet für s`nächschte Jahr.

Wieso hets mir so guet gfalle?! Tja, mir hei offiziell uf d`Rennstrecki dörfe u näbe de Skicracks dürab fahre. Da isch klar wieso d`Kante hei müesse gschliffe si! Ig has richtig gnosse, wieder emal so richtig chönne z`frehse u soue la! Guet het das Tönel nid gseh!!!

Bick ufs Silberhorn

Min Usblick i d`Sunne u uf

Treychlerbar

Dette han ig Zyt überbrückt bevors los gange isch

Blick richtig Wänge

Speedmässig isch obe u unde Zwüschezyt

D`Chopfhörer, mit dene bin ig ständig i Kontakt gsi mit em Büro vo dr LONGINES

Blick vo mim Isatzörtli

dr Hanneggschuss z`dürab u

da dr Hanneggschuss z`deruf

Patrouille Swiss het e 20Minütegi Flug-Show vor dr Abfahrt vonere xtra Klass bote!

Härzerwärmend!!!

Gschafft!

Nach em Badumbou si ize no alli Fänschter dranne gsi. Innerhalb vo nume grad vier Täg isch das ganzi über d`Bühni gange. Es het mir ja scho chli Buchweh gmacht im Vorfäld, wenn ig mir vorgstellt ha wie de das isch bi minus Temperature die ganze Fänschter z`ersetze. Aber mir hei einisch meh Glück gha u dr Wättergott hets sehr guet gmeint mit üs. Mir hei nie übermässig müesse frühre. S`Termometer het nämlich immer über Null azeigt.

Spannend ischs ou no gsi zum zueluege wie zackig es alts Fänschter dür es Neus ersetzt worde isch!

Gseht gfürchig us, oder?!

Üsi Stube isch wieder emal zur Wärchstatt umfunktioniert worde.

D`Fänschter si no die Alte

Üsi neui Fänschterfront! Scho nume für die het sich dä Umbouufwand glohnt!

Gschafft! 21 Fänschter ersetzt i nume grad vier Täg! Super!

Gschafft si ou mir u vorläufig hei mir d`Nase voll vom Umboue!

Wär weiss wie lang.......!

Blick is neue Bad

Chum isch si gschtande u agschlosse gsi, ha ig bereits s`erschti Bad gnosse!

S`stille Örtli isch perfekt versteckt

Da fählt no d`Glaswand. Tönel het nid chönne warte bis denn u het bereits e Rägeduschi gno u isch hell begeischteret gsi. Isch ja logisch, er isch ja dä gsi wo keini het wölle!

Tönel in Aktion!

Wägem Umbou kämpfe mir üs sit über drü Wuche um die 07.00h us de Fädere. Das isch für Pensionierti definitif viel z`früeh!

Doch es het ou Vorteil, denn mir hätte die wunderschöne Stimmigsbilder nie gseh!

Wie heissts doch so schön:

Morgestund het Gold im Mund!

Ohni Wort!

Ahand vo all däm viele Material wo überall verteilt umliet, chönt me meine mir boue nid nume s`Bad um! Zur Zyt isch dr Schriener, Fabian üse Nachber a dr Reihe. Er verchleidet üses Bad mit hellem Täfer!

Dr Maler het ou scho vorgschaffet u vorgängig Bälche vorgschtriche

Ob ächt dä Ghörschutz öppis nützt?!

Tönel in Aktion!

Äntlech darf ou er wieder emal Hand alegge!

Passts ächt? Siem kritische Blick entgeit nüd!

Langsam aber sicher chunt d` Umbouerei i d`Ändphase u we alles rund louft, sötti mis erschte heisse Bad chönne gniesse am Wucheänd! Mir wärdes gseh ob es so wird si.

Es nimmt Forme a!

Das wird Duschi gä Privatsphäre für üses stille Oertli isch garantiert

Dä Egge isch gliii parat für mini heiss gliebti

Badwanne Es geit nümme lang u de rägnets uf üsi Chöpf!

Us brun mach wyss

Die erschte Platte si getzt!

Fortsetzig folgt

Garschtig!

Hallwilerseelouf 2010

10km

Trotzdäm garschtige Wätter isch üs s`Lache nid vergange!

Brrrrrr! Bi dere Chelti hei mir üs sogar e bitzeli ufgwermt vor em Start!

Die letschte ufmunterige Wort vo Tönel

Dr Startschuss isch gfalle

Das heisst für üseri Manne: Ab zum gmüetliche Teil (typisch schwyzerisch Wurst u Brot) während mir üs abrackere Gschafft u zfriede! Ig bi stolz uf üs!