29.Greifenseelauf!

Mitmache isch wichtiger als gwinne.

Für Corinne ischs dr alleri erschti Louf gsi wo sie gmacht het. Locker het sis gschafft.

Für mi ischs wie länger das ig gloffe bi e Chraftakt worde! Nei, nid öpe wägem Schnuufe (Rouche) sondern wäge mim Wademuskel. Ig ha churz vorhär no e Wadezerrig igfange nachdäm i mit dr Sheika (Chatz) es Wettrenne gmacht ha bi üs im Garte. Drümal dörft ihr rate wär gwunne het! Obwohl ig mi de gschohnet ha bis zum Louf, ischs nachträglich gseh nid gschiet gsi, was ig gmacht ha. Ig ha de die Wuche no churzspitz zum Arzt müesse, da min Unterschänkel agschwulle isch bis zum Chneu u usgseh het wie e Cervelat! S`Resultat isch: schohne, schohne u nomal schohne für das ig wieder fit bi für de Hallwilersee-Louf mitti Oktober!

Aber nid das dir ize dänket mi heigi dr Rennvirus packt, nei ou da gilt s`Motto: Mitmache isch wichtiger als gwinne!

Chüehl ischs gsi, defür troumhafts Wätter

parat mache für e Start. Was söl ig ou alegge!

letschti takteschi Besprächige!!!!!

im Ändspurt

Corinne locker uf dr Zielgerade

Vollmond

S`Neeracherriedt im Mondliecht!

Üsi Kafimaschine

Dütsches Spitzeprodukt "made in .......?!"

Handwärche macht Spass! (gäll Dide)

S`Cheminee-Wätter het izug ghalte. Es rägnet Bindfände, Wolke bis a Bode abe u es isch so richtig gruuusig verrusse.

Umsomeh gniesse mir en gmüetliche Tag i üsere Stube mit em knischternde Füür im Hintergrund.

Tönel luegt s`Formel 1 qualifying u ig gniesses es Buech z`läse. Mir hei üs so richtig gfreut uf so en gmüetliche Tag diheime, nachdäm mir die letschte Täg ziemli chrampfet hei im Hus u Garte.

S`Gäschtebad-Fänschter het en neue Aschtrich übercho u s`Bad es neus Outfit.

Ou dr Sheika gfallts anschienend. Ihre neuschti Schlafplatz!

De Garteplatte rund ums Huus hei mir neui Fuege verpasst.

Glii, glii gschafft! Ächti Knochearbet!

Zrugg i dr CH!

Es schient mir als wär ig e bizzeli Blogger müed worde. Bald isches drü Mönet här sit mir üs wieder fescht i dr Schwyz niedergla hei u ig min letschte Itrag gschriebe ha! Es chunt mir zwar überhoupt no nid so lang vor, doch wen ig zum Fänschter verruse luege am Morge früeh u s`Neeracherriedt mit emene liechte Näbel bedeckt isch, isch klar, dr Herbscht steit vor der Tür!

Mängs isch gloffe u passiert i dere Zyt. Tönel het afangs Juli sin neue Job agfange u ig ha mi dermit befasst s`Hus u Garte wieder einigermasse uf Vorderma z`bringe näbscht däm ig ouno mit mine Fründinne i de Ferie gsi bi uf dr „ Putzfroue Insle“ u zudäm hets ouno für en churze Abstächer is Tessin glängt. Mir hei Corinne u Marc bsuecht, wo sit däm Jahr ihres Boot fix im schön agleite Hafe vo Locarno hei.

Nid z`vergässe isch üses neuschti Familiemitglied! Nei, nei es isch no kei Hund! Als Erinnerig a üses Wüeschteabentür, het das guete Büsi dr Name Sheika übercho.

Usblick vo dette wo mir gwohnt hei

E Stadtrundfahrt uf ganz spezielli Art

Segway heisse die Dinger. Das isch dr Hammer gsi!

Mit Mietouto hei mir die ganz Insle umfahre u eis muess ig scho säge:

Palma isch e Reis wärt!

Idrück vo dr Stadt Palma

Locarno Hafebsichtigung uf zwöi Räder

Üse Pensionär gniessts!

Gschlafe wie Herrgöttli!

Herrlich!

Sheika

Chitta u Sheika uf Ahnäherigsversüech

Nume Flouse im Chopf!

Tschüss u ufwiederluege!

Es isch nid zum gloube. Über e Monet isch scho wieder vergange sit mir üses Wüeschteabentür beändet hei. Es schient mir als wärs geschter gsi u eis isch sicher, Tönel u ig wärde no mängisch a die erläbnisriechi Zyt zrugg dänke. Zum üsem Abschied hei mir no all üsi Kollege u Fründe i Tavärne vom Officers Club iglade.

Apéro

Das Päärli wohnt ize i üsem Hus

Isch doch so guet es chüels Bier

Peter u Tönel

Die dütsche Kollege

E Arbetskolleg vo Tönel mit de Ladies vom al Qurm Compound

Am Chef Klaus sis Wärch

Sooo viel gueti Sache!

Für was entscheidet sich ächt d`Fräne?

D`Elke u Desirée

mmmmmmm

Brunschwielers u dr André

Zu üser Überraschig hei mir es Abschiedsgschänk übercho.

Es Fotialbum mit persönliche Witmige.

Nomal, merci vielmal!

D`Ursle u d`Fräne

Immer schön lächle

Tja, tschüss Abu Dhabi

Abschiedsässe mit em Feschtkommitee vo dr Dütsche Schuel

Das isch üsi Perle gsi. D`Romana.

I dr letschte Wuche, nachdäm s`Hus völlig grumet gsi isch u bereits s`Zbindens agfange hei ihri Sache is Hus zügle, si mir no für die Zyt mit Sack u Pack bi Epplers izoge. Das isch de dr Zytpunkt gsi wo es mir so richtig bewusst worde isch, dass dr Abschied ize definitiv wird si.

Dr Abschied isch üs schwerer gfalle als mir dänkt hei! D`Emotione si höch cho nachdäm all üsi Ghoffere im Outo verstout si gsi u mir eus vos Epplers und co. verabschiedet hei. Denn hei mir mit em Giuliano es letschts Mal d`Outobahn Richtig Flughafe under d`Räder gno!