Neujahrswünsch!

Mir wünsche vo härze alles Gueti, soumässig viel Glück u beschti Gsundheit fürs 2010!

Prosit Neujahr

Min Vorsatz: wieder vermehrt min Blog z`füettere!

Kampfchatz!

Chum lat me die Vierbeiner mal allei isch dr Tüfel los!

Üsi Sheika liebts chriege mit allne Chatze i dr Nachbarschaft. Da isches absehbar gsi dr Bsuech bim Tierarzt. Es hätti nid grad müsse dr erschti Tag nach de Ferie si. Das isch ihre hingäge so läng wie breit. En ächte Chrieger kennt kei Schmärz u si chrieget locker wieter!

Bootsferie i dr Bretagne

Für die guet 1000km bis i d`Bretagne hinder üs z`bringe hei mir üs Zyt gla. Los gange ischs am 30. Ouguscht nachdäm mir früehzytig üses Haldestrassfäscht verlah hei u s`Achermanne i Büli abgholt hei. Vollbepackt hei mir die Reis under d`Räder gno. S`erschte Etappezyl isch Châteauneuf im Burgund gsi.

Spaziergang dür das härzige Dorf Châteauneuf

Hie hei mir die erschti Nacht verbracht

Dr Igang zu üsne Zimmer!

Vo dr zwöite Übernachtig hei mir leider keiner Fotene. Ig has schlichtwäg verpennt z`fötele! Schad, will es hät sich glohnt. "le Manoir de la Forêt" hets gheisse. Völlig i de Pampas. Ohni e Empfählig hätte mir das nie usgwählt u gfunde.

Château Colaissière.

Da hei mir die letschti Nacht verbracht vor dr Bootsübernahm.

Üses Schlafgemach

Dr Innehof vom Schloss

Dr Schlossherr gniesst es Zigarettli vor üsne beidne Gemächer!!

Nort sur Erdre. Äntlich isches sowiet gsi. Während s`Achermanne u ig üs am Grossichouf gwidmet hei, het Tönel s`administrative vo dr Bootsübernahm erledigt.

Dr Grillmeischter Tony baschtlet dr " tür" koufti Grill zäme. Ganzi 19Euro het das Ding koschtet.

Am Morge Blick us üsere Schlafkoje

Besichtigung vom Stedtli Redon

Abfahrt i Redon mit ere Schlüse. Da üse Kahn es spührli z`gross gsi isch het me extra müesse dr Verchehr stoppe u Brugg öffne!

La Gacilly. Es Stettli vo üs soo guet gfalle het das mir uf dr Hi- u Rückfahrt hie übernachtet hei.

Was bestuhnes ächt die Zwe?

Na klar "üses bescheidene Böötli".Drümal darfme rate weles üs ghört het!

Eifach wunderschön! Erholig pur!

Am Morge isches trotz schönem Wätter immer no e chli chüehl gsi u dr Wind het ou immer blase. Aber alles i allem hei mir einisch meh Glück gha mit em Wätter. Nume grad die erschte zwe Täg vo zäh si e chli so so la la gsi.

Viel Arbeit hei mir nid gha a de Schlüse. Fascht alli si bedient gsi.

Zudäm isch Eini schöner gsi als die Ander. Grund defür isch: Es git übers Jahr us en Wettbewärb under de Schlüsewärter wärs gepflegtischte, bebluemte Gärtli rund um d`Schlüse het.

Da e paar Idrück

Iifahrt i "Josselin"

Schloss Josselin gilt als schönschts Schloss vo dr Bretagne.

Beidruckend si die zwöi Gsichter vom Schloss.

Einisch Flusssietig

Landsietig

Weme dür Josselin flaniert wird me schier is Mittelalter versetzt mit alle dene anenandgreite, alte Hüser

Was isch da chrumm?

Es git nüd was es nid git! Dr täglich Apéro het nid dörfe fähle!

U das erscht no us dr eigene Chällerei!!!

So lat sichs guet läbe als Pensionierte! Gilt leider nume für "ck`s"

Einisch meh si die Bootsferie wie im Flug vergange. Es Tröschterli: Die nächschte si quasi scho planet

Ohni Wort

Ja, ja s`Oberland ja s`Oberland

s`Bärner Oberland isch schööön.......

Arabischi Hochzyts-Party i dr Schwyz

Dr Felix u d`Rosemarie, s`Brutpaar.

Die beide hei sich i Abu Dhabi kenneglert u läbe ize unwiet vo Greifesee.

Mir si nid schlächt überrascht gsi, wo mir de Dimitris atrofffe hei.

Ihn hei mir ou i Abu Dhabi kenneglert u ou er het dr Wüeschti dr Rügge kehrt u wohnt ize wieder i Dütschland. Ou er het sini Fründin i Abu Dhabi kenneglert.

S`arabische Ässe het natürli ou nid dörfe fähle

Bekannti Gsichter! Das sie die beide wo am Tönel s`Sanddüne fahre biebracht hei u üs immer wieder us dr Misere gholfe hei we mir tüüüf igsoffe si im Sand

Nach em feine Ässe het d`Shisha nid dörfe fähle u

zum Dessert natürli ou e Bellydäncere

Tönel gniesst u schmunzlet! Über was ächt?