Bsuech us Abu Dhabi!

D`Freud isch gross gsi wo mir es SMS vo s`Lembachs, Fründe us üsere Abu Dhabi Zyt, übercho hei. Si mieche gärn en Abstächer via Schwyz uf em Heiwäg richtig grossi Kanton.

Leider het s`Wätter nid mitgspielt. Obwohl, just a däm Tag d`Streetparade stattgfunde het u die bis ize meischtens Wätterglück gha hei, hets nid sölle si.

Mit " Züri schient dänn d`Sunne" hei mir also nid chönne plöffe!

Drum hei mir ihne de Züri nid vo dr schönschte Siete chönne zeige! Rägeprogramm isch agseit gsi.

Erschtens Huusbesichtigung i Neeri u denn ischs wieter richtig Stadel. Dert hets de e Huusbesichtigung gä vo s`Epplers früechere dihei!

Trotz Wätterpäch isch allne s`Lache nid vergange.

Nachhär ischs wieter richtig Flughafe. Besichtigung vo de Flugsimulatore.

Dr Durscht hei mir de no im Restaurant "Runway 34" glöscht. E Beiz wo diräkt a dr Piste lieht u rund umenes Flugzüg bout worde isch.

Nach all däm, hei mirs üs de gmüetlich gmacht diheime.

D`Anne im Wintergarte

D`Jette het sich mit tschätte vergnüegt

D`Elke u dr Peter luege d`Streetparade im TV

Nach verschiedene Dikussione hei sie sich doch no entschiede bi üs z`übernachte. Was üs überus gfreut het.

Nach Nachtässe i dr Pizzeria u gmüetlichem Spielabe. Rommy nach dütsche u schwyzer Regle, dr letschti Schwatz verrusse, bevors gheisse het:

schlafet guet!