Äntlich!!!

Min sture Grind het sich nach über zwöi Jahr stürme chönne düre setze!

Sit guet eim Monet bin ig stolzi bsitzere vo däm Flitzerli.

Es isch eifach: Mega, giga ober cool!

SnowpenAir uf dr Chliene Scheidegg

Phantastischs Wätter u tusegi vo Zuschouer hei uf e Bärg welle. Ou mir hei derzue ghört. Mit viel Glück u gekonntem füre Drängle oder besser gseit, mit Köpfchen aschtah, si mir zügig im Bähnli vo Grindelwald Grund richtig Chlieni Scheidegg ghocket. S`Wätter hätti nid besser chönne si! D`Sunnecreme het nid dörfe fähle u dr Sponsor Coop het sogar no cooli Hüetli verteilt wo mir ou guet hei chönne bruche. Die wo beides nid beasprucht hei, heis de e bitzeli bereut u es het Lüt gä wo usgseh hei wie Glüehwürmli! Gäll Marc!!!! S`Timing hätti nid besser chönne si. Punk 11.00h het Natacha denn SnowpenAir eröffnet u genau zu dere Zyt si mir i d`Arene inegloffe.

D`Japaner wo zrugg cho si vom Jungfrou-joch si mit Kamera usgrüschtet a dr Schibe kläbt u hei wahrschienlich d`Wält nid verstande wie all die tuusige vo Lüt uf dä Bärg cho si.

Zum Glück het me üs gseit mi sölli öppis zum druf höckle mitnäh u so hei mir zwe Schlitte mitgnoh u si heilfroh gsi drum. Es wäri e nassi Aglägeheit worde ohni die Schlitte, weme hätti müsse i dä nassi Frühligsschnee sitze.

Mit The Baseballs isch Poscht so richtig abgange u d`Arena isch richtig zum choche cho!

the Baseballs

Amy Macdonald

Genau uf e Gig vo dr Amy het d`Sunne leider de Wolche müesse platz mache. Sie hets mit Humor gnoh. Isch ja klar als Schottin!

Am 17.00h isch dä Musigriechi Tag z`änd gange u mir hei einisch meh mit viel Glück im erschte, mögliche Bähnli Platz gfunde wo üs wieder Talwärts bracht het!

Logeplatz!

I de letschte Täg lockt dr Flughafe Züri hunderti vo Lüt a. Dr Grund defür isch allzyt bekannt. Alli wei dr riese Vogel, dr Airbus 380, gseh u vor d`Linse übercho. Da profietiere mir vo üsere bevorzugte Wohnlag u gniesse üse Logeplatz (Balkon,Garte). Geschter, bi schönschtem Wätter, um 08.20h, han ig nid lang müesse überlege u ig ha mini Kamera zückt um ou e paar Föteli d`schiesse vo däm Gigant!

Sini Stepvisite het sich glohnt (gäll Dide) ou er het sini Freud dranne gha! Da erschient er über em Stadlerbärg

Idrücklich Verbie a üsem Hus

Churz vor de Landig über Höri Dorf

Chandolin

Vier herrlechi Schiitäg hei mir einisch meh mit Achi`s in Chandolin verbracht

Man(n) trägt Helm!

Qualität isch halt nid super! Ufgnoh mit mire chliine Digi-kamera!

Premiere!

Wok Chefchoch Toni het s`erschtmal für Bsuech kochet! Er het nämlich s`letscht Jahr s`Wok choche entdeckt u sit denn isch das voll i sine Händ! Ig bi als erschte Schnätzler u Rüschter duldet. S`Dessert isch de ono min Job gsi zum mache. S`Menü het gluutet:

Früehligsrolle

*

Gschnätzleti Pouletbrüschtli mit Morchle

verschiedeni Gmües: Rüebli, Bluemechöhli, Bambussprosse, Louch u Sojasprosse

Basmati Rys

*

Dunkles Schoggi-Mousse

Alles steit bereit u es cha los ga!

Voll konzentriert!

Während s`Rys gmüetlich chöchelet isch Tönel voll mit Fleisch u Gmües abrätle beschäftiget.

Sin Gsichtsusdruck seit gnue us!

Mmmm es chunt gloub guet

Zum Schluss no Pfäffer u mi cha serviere!

Es het gloub allne gschmöckt u es schreit scho fasch nach Wiederholig

Grindelwald

Äntlich hei mir wieder emal so richtig Winter erläbt. Sit afangs Januar si mir mit churze Underbrüch bis letscht Wuche i Grindelwald gsi. S`Wätter het ou mitgspielt. Viel Sunneschy u Schnee hets gä u die ganzi Zyt ischs soumässig chalt gsi.max. -21. Brrrr da isch üs sogar s`Schiifahre vergange u üsi Büsi heis ou vorzoge i dr warme Stube z`bliebe! Ig has natürli gnosse wieder emal so richtig über die schön verschneite Häng z`karve. Vorallem mit neue Schi (Slalom HEAD) es Träumli!

Näbscht Schiifahre, Schlittle u „Kafi Männliche“ hei mir ou öppe mal en Tag gmüetlich deheime i dr warme Stube verbracht oder hei es pensionierte Spazierrgängli is tüf verschneite Dorf gmacht.

Mir hei dr richtig Momänt tüpft zum wieder heicho. S`Wätter het nämlich umgschlage u e Warmfront beschert üs wieder emal mit Räge bis wiet, wiet ufe. Es schmöckt bereits nach Früehlig.

Die folgende Föteli si mit dr neue Kamera gschosse. Ig has si no nid 100% im Griff! Tja Übung macht der Meister, oder?!

Blick vo dr Wohnig ufs Wätterhorn u Vollmond

Ou d`Sheika het sich wohl gfüehlt i de Winterferie. Zu üsere Üerraschig! Usere Kampfchatz ischs e bravs Büsi worde.

Oh, tuet das guet e chli sünnele!

Troumwätter!

Blick vo üsere Wohnigstür diräkt uf d`Eigernordwald

Spuren im Schnee diräkt zum Hus!

Neujahrswünsch!

Mir wünsche vo härze alles Gueti, soumässig viel Glück u beschti Gsundheit fürs 2010!

Prosit Neujahr

Min Vorsatz: wieder vermehrt min Blog z`füettere!

Kampfchatz!

Chum lat me die Vierbeiner mal allei isch dr Tüfel los!

Üsi Sheika liebts chriege mit allne Chatze i dr Nachbarschaft. Da isches absehbar gsi dr Bsuech bim Tierarzt. Es hätti nid grad müsse dr erschti Tag nach de Ferie si. Das isch ihre hingäge so läng wie breit. En ächte Chrieger kennt kei Schmärz u si chrieget locker wieter!

Bootsferie i dr Bretagne

Für die guet 1000km bis i d`Bretagne hinder üs z`bringe hei mir üs Zyt gla. Los gange ischs am 30. Ouguscht nachdäm mir früehzytig üses Haldestrassfäscht verlah hei u s`Achermanne i Büli abgholt hei. Vollbepackt hei mir die Reis under d`Räder gno. S`erschte Etappezyl isch Châteauneuf im Burgund gsi.

Spaziergang dür das härzige Dorf Châteauneuf

Hie hei mir die erschti Nacht verbracht

Dr Igang zu üsne Zimmer!

Vo dr zwöite Übernachtig hei mir leider keiner Fotene. Ig has schlichtwäg verpennt z`fötele! Schad, will es hät sich glohnt. "le Manoir de la Forêt" hets gheisse. Völlig i de Pampas. Ohni e Empfählig hätte mir das nie usgwählt u gfunde.

Château Colaissière.

Da hei mir die letschti Nacht verbracht vor dr Bootsübernahm.

Üses Schlafgemach

Dr Innehof vom Schloss

Dr Schlossherr gniesst es Zigarettli vor üsne beidne Gemächer!!

Nort sur Erdre. Äntlich isches sowiet gsi. Während s`Achermanne u ig üs am Grossichouf gwidmet hei, het Tönel s`administrative vo dr Bootsübernahm erledigt.

Dr Grillmeischter Tony baschtlet dr " tür" koufti Grill zäme. Ganzi 19Euro het das Ding koschtet.

Am Morge Blick us üsere Schlafkoje

Besichtigung vom Stedtli Redon

Abfahrt i Redon mit ere Schlüse. Da üse Kahn es spührli z`gross gsi isch het me extra müesse dr Verchehr stoppe u Brugg öffne!

La Gacilly. Es Stettli vo üs soo guet gfalle het das mir uf dr Hi- u Rückfahrt hie übernachtet hei.

Was bestuhnes ächt die Zwe?

Na klar "üses bescheidene Böötli".Drümal darfme rate weles üs ghört het!

Eifach wunderschön! Erholig pur!

Am Morge isches trotz schönem Wätter immer no e chli chüehl gsi u dr Wind het ou immer blase. Aber alles i allem hei mir einisch meh Glück gha mit em Wätter. Nume grad die erschte zwe Täg vo zäh si e chli so so la la gsi.

Viel Arbeit hei mir nid gha a de Schlüse. Fascht alli si bedient gsi.

Zudäm isch Eini schöner gsi als die Ander. Grund defür isch: Es git übers Jahr us en Wettbewärb under de Schlüsewärter wärs gepflegtischte, bebluemte Gärtli rund um d`Schlüse het.

Da e paar Idrück

Iifahrt i "Josselin"

Schloss Josselin gilt als schönschts Schloss vo dr Bretagne.

Beidruckend si die zwöi Gsichter vom Schloss.

Einisch Flusssietig

Landsietig

Weme dür Josselin flaniert wird me schier is Mittelalter versetzt mit alle dene anenandgreite, alte Hüser

Was isch da chrumm?

Es git nüd was es nid git! Dr täglich Apéro het nid dörfe fähle!

U das erscht no us dr eigene Chällerei!!!

So lat sichs guet läbe als Pensionierte! Gilt leider nume für "ck`s"

Einisch meh si die Bootsferie wie im Flug vergange. Es Tröschterli: Die nächschte si quasi scho planet