Alli Ständ si liebevoll härgrichtet u es cha los ga!
Gseh die Ständ nid liebevoll us?
Was jez no fählt si Bsuecher. Pünklich am 17.00h isch Türöffnig gsi.
U wie me gseht hets nid lang brucht u sie si inegschtrömt.
Da mache ig Regklame für e Stand vo dr Martina. Sie isch Presidäntin vom Feschtkomitee u het übers ganze Jahr Socke gliesmet. Die gseh doch ober cool us, oder?
Ou ihre Ma het sich d`Müeh gno die Socke ad Frou/Ma zbringe u de no mit was für emene Erfolg.
56 Paar Socke hei die beide verchouft. Isch doch scho e chli komisch! Das i Abu Dhabi
Mir, mit üsem Gschteckstand hei aber ou nid chönne chlage! Am 19.30h hei mir scho fasch alles verchouft gha.
Tim und Linda vor üsem fasch läre Stand.
Isch es mega cools T-Shirt wo da dr Tim zum Gebi übercho het!
Am Grillstand het me fasch nid nah möge mit brätle u verchoufe. Es si immer wie meh lüt cho. Dr Glüehwy u d`Waffle si bereits am 20.00h usverchouft gsi.
Ou s`Bier vom Fass isch usgange u mit het sich am Schluss mit "warms Büchsebier" müesse begnüege!
Tja wär strahlet de da so schön id Kamera u gniesst es warms Bier? Dr Peter natürli! Dr Dide begnüegt sich mit emen Cola. Er het no müesse Outofahre u d`Elke het sich ou churz es Päuseli gönnt.
Dr Stand für Henna bemalig het duurstress gha. Die gueti Frou het dr ganz Abe fasch nid gwüsst wo wehre.
Alles verchouft! Wär hätti das dänkt. Uf das abe hei mir üs de ou no es Gläsli gönnt!
Alles i allem ischs einisch meh en riese Erfolg gsi dä Wiehnachtsbasar.
Keine Kommentare:
Kommentar veröffentlichen