Sand-X

Urs Eiselin, dr Snowboard Profi. Sin gröschte Erfolg wo er het chönne fiere näbscht verschidene Weltcup-Podeschtplätz, isch d`Silbermedaille im Winter 2004/05 gsi. Letschts Jahr het er sini Profi Karriere an Nagel ghängt und het sich mit sim Brüder voll uf d`Entwicklig vomene Sandgfährt konzentriert. Dr Ursprung u d`Idee vo däm sogenannte „Sand-X“ isch es umbouts Snowmobile! Mittlerwiele isch das Gfährt scho so guet usgrieft, dass es voll i dr Produktion isch u hei bereits über 70 Stück i de UAE verchouft. Kostepunkt isch um die 70`000 AED.

Ou sölls viel sicherer sie als die vierrädrige Sandtöff „Quads“, will dr Sand-X viel e grösseri Bodehaftigkeit het und dür das viel meh brucht bis er kippet.Bis zum hütige Tag, inklusiv allne extrem Testfahrte, ischs tatsächlich ou no nie passiert!

Geschter, im gröschte Sandsturm han ig de Möglichkeit übercho so en „Sand-X“ dörfe z`fahre. I cha nume eise säge: es isch eifach …… gsi! Mit dr Zyt han ig de meh vertroue gfasst u ha mi so richtrig getrout über die Düne drüber z`fäge! Schad het s`Wätter nid mitgspielt süsch hätti das ganzi no viel meh Spass gmacht!

Urs demonstriert wies gieng!

Dank ihm, em Peter Traber , bin ig daderzue cho

Urs mit Fründin am voll speede!

Vermummt wie im tüfschte Winter u ready zum losfahre nachdäm mir dr Urs alles erchlärt het!

Los geits!

Vom Sand verweiht

Ig bi immer muetiger worde

Es mega geuts Gfühel so über die Düne z`frehse!

Adrenalin pur!