Es isch bereits scho über e Wuche här, wo ig am Konzert vom Elton John gsi bi. I dä Gnuss bin ig cho, einisch meh Dank Epplers! Eigentlich ischs es Geburtstagsgschänk vo dr Fräne für e Dide gsi, aber für einisch het nid Tönel gfählt,er het süsch kei interässe gha, sondern dr Dide. Er het leider müesse schaffe u hei dür das mi gfragt ob ig interässe hätti as Konzert z`ga vom Elton John! Das isch kei Frag gsi für mi - drum nomal es grosses Merci euch beide fürs Ticket!
Am 19.00h si de d`Franzika u ig vo dr Desirée u ihrem Ma Jörg abgholt worde u uf em Wäg zum Emirates Palace, hei mir de ou no grad s`Lembachs mitgno. Perfekt isch das Konzärt organisiert gsi. (Für das het me ja ou extra a Firma us England angaschiert)! Wär weiss wie das süsch wär usecho. Gsamthaft hets nämlich über 14`000 Zuschouer gha u das ganze het sich im Garte vom Emirates Palace abgspielt.
21.00h het s`Konzärt agfange u zu üsem erstuhne isch de Sir Elton John pünktlich uf dr Bühni erschiene. Kulisse hätti ou nid besser chönne si mit Blick ufs Emirates Palace u derzue no Vollmond. Leider hets es wieli brucht bis die gueti Stimmig uf Zueschouer übere isch. Doch wo de die ältere Songs agspielt worde si ischs de doch so richtig los gange. Nach guet zwe Stund non stopp Bühnepresänz, het sich de dr „Sir Elton John“ wieder verabschiedet. Lässig isch es gsi!
Elke, Desirée, ihre Ma Jörg, Franziska u mini Wenigkeit
Da isch ou no dr Peter z`gseh näbscht em "Elton John" !!!!
Ou dr Vollmond het sich zwüschedüre mal no zeigt!
Müed nach über zwe Stund uf de Bei, no en chliene Schlummertrunk vor dr Heifahrt
Keine Kommentare:
Kommentar veröffentlichen