Letschte Frytig bin ig i Gnuss vomene wietere Usflug cho. D`Judy Price, kanadierin wo ou am Arabischkurs teil nimmt, het üs zu ihrem Geburtstag uf ihres Boot iglade. Wohlverstande „Ladies only“ ussert ihre Ma Glen. Es het ja schliesslich e Kapitän u Grilleur brucht.
S`Geburtstagschind Judy
Am 11.00h hei mir üs troffe i dr Marina vo Abu Dhabi. Die lieht zwüschem Hotel Meridien und dr Abu Dhabi Mall. Im ganze hätte öppe 14 Ladies sölle derbie si doch will dr Tag vorhär nid sehr schön Wätter gsi isch, vor allem sehr windig, hei e Paari churzfrischtig abgseit. Schlussäntlich simer de 7 Ladies gsi u dr Kapitän Glen. 
Als Begrüessig hets es feins Cüpli gä u mi het sich churz bekannt gmacht, dernah si d`Motore gstartet worde u mir si gmüetlich is Meer gstoche.
S`Ziel isch übrigens e Insle vo eim vo de Scheichs vo Abu Dhabi gsi
Abu Dhabi isch umgäh vo Insle. Dür das ischs gar nid so eifach es Boot us Abu Dhabi use z`manöveriere. Es isch oft sehr Untüf. Aber zum Glück gits Echolot süsch wäremer sicher mal uf Grund gfahre. Mi het gmerkt das üse Kapitän en güebte Ma isch.
Als Begrüessig hets es feins Cüpli gä u mi het sich churz bekannt gmacht, dernah si d`Motore gstartet worde u mir si gmüetlich is Meer gstoche.
S`Ziel isch übrigens e Insle vo eim vo de Scheichs vo Abu Dhabi gsi
Abu Dhabi isch umgäh vo Insle. Dür das ischs gar nid so eifach es Boot us Abu Dhabi use z`manöveriere. Es isch oft sehr Untüf. Aber zum Glück gits Echolot süsch wäremer sicher mal uf Grund gfahre. Mi het gmerkt das üse Kapitän en güebte Ma isch.
Nach guet eire Stund Fahrt hei mir d`Insle vor üs gseh mit em Palast druffe. Mi si diräckt drufloss gstoche u hei am Strand churzum dr Anker gsetzt.
I bi mit gmischte Gfüehl usgstiege, will i ha mir fasch nid chönne vorstelle dass das legal isch was mir da gmacht hei. Doch i ha mi des Bessere müesse la belehre. Anschienend ischs tatsächlich erloubt a dere Insle azlegge solang me uf dr Rücksiete bliebt vo dr Insle, will so het me kei Iblick ufs ganze Awäse, wills rundum mit Zün u Palme abgschirmt isch. Mi munklet sogar das nume „Expats“ duldet wärde will die dr Ort wieder suber verlö.
Es isch bigoscht e wunderschöne Ort. I ha mir de ou es Bad i däm klare Wasser nid la entgah. 
Während mir gnüsslich dr Apéro gno hei het dr Glen sini Kapitänsmütze mit em Chochschurz tuscht u sich as grilliere gmacht. Glie drüberabe hei mir de üsi chnurrende Mäge mit Spiessli, Steak, Pouletschänkeli u Salat chönne stille.
Leider ischs de mit dr Zyt e chli ungmüetlich worde da der Wind immer stercher het agfange blase u mir si fasch Sandgstrahlet worde. Dür das hei mir de zügig alles müesse zäme packe u ufs Boot disloziere. Es het aber kei grossi Rolle meh gspielt, das eh Zyt isch gsi zum retour fahre.
D`Heifahrt isch de imene zügige Tempo vostatte gange u mir si begleitet worde vo zwe Delphine wo üs churz ihres chönne hei demonstriert. Sie heis Tempo vom Boot locker mitghalte u hei sichtilich Spass dranne ka üs immer wieder z`überhole. Leider han igs nie gschafft, sie Bildlich feschtshalte, das grüttlet u gschüttlet u gsprützt het über die Wälle.
Keine Kommentare:
Kommentar veröffentlichen