Vier Froue gö uf Reise!

Hüt heissts wieder emal packe! Morn, Frytig, geits für e Wuche ab nach Spanie! S`Zyl isch Marbella – mi git sich ja nid mit weniger zfriede! Flüge tüemer nach Malaga u vo dette geits wieter mit em Mietouto. Nächtige tüe mir de ire Hapimag-Wohnig. Nei, nei mir hei keiner Aktie vo dene u überhoupt gange ig ja ou nid mit Tönel! Er gnüssts, weme däm e so cha säga, s`Junggselle läbe i dr Wüeschti während sini Frou luegt das Gäld i Umlouf chunt!

Mir si vier Froue s`Gerti, Gisela, Claudia u ig u kenne tüe mir üs scho soooo mängs Jahr u doch ischs s`erschte Mal wo mir alli zäme es „ Reisli“ mache. I freu mi uf die gmeinsami Wuche mit dene drü Froue. Im nächschte Bloggeritrag chöit ihr de üses gmeinsam erläbte nahläse!